‘Nu giovene e barbiere

‘nu juorno e primmavera

sotto ‘o sole s’arriffaie ‘o còre

guardanne ‘a ‘na signora…

Mentre ca ‘o cùsetore

da luntano guard’ a scena

appizza ‘e ‘rrecchie

e ‘addiventa ‘nu pernacchio,

povero rigo ‘e gesso,

tutto sfergiato,

e anduvinàte a chi assumigliav…!

…e forme da signora!

-Mannaggia accà,

mannaggia allà,

comme aggia fa’

pe’ me apparà-

ricette ‘o cùsetore…

Mentre ‘o barbiere

‘nnzerra ‘a porta

e s’abbraccia ‘a sciòrta…

Fine a l’angolo do’ vico,

‘o vetraio rompe ‘o specchio,

‘o ferraro salda tutto,

fino a quanno ‘o pizzaiùolo

ca se ferma e da’ ‘na voce

-né signò mangiate tutto,

cà se paga a oggi e otto!-

…E accussì sta signurina

ca s’immette in via Marina,

quanno passa da matina

porta danno a tutt’à ggente…

Chi s’illude,chi s’appizze,

ma pe’ me chìst’ è ‘nu sfizio,

io me godo tutt’à scena,

pecchè tante so

‘e resate…

Sulo ca me trovo ‘nfuso…!