Mo’ ca sto sulo

io penso,m’addimann’e dico

si dint’ ‘a chistu povero mumento

tu pure pienzo a me.

E ‘a luna a coppa me guarda,

comme si tosse niente,

ma essa ‘o sape,

pecchè se mette scuorno,

e chiano chiano,

lentamente s’annasconne

po’ esce fora e dice:

tu nun si sulo a chiagnere.

E pe’ mo fa capì

me votte ‘e lacrime,

me dice aspiette,

ca comm’ ‘a me pur’essa

addà turna’ all’appuntamento.

E overo, po’ tarda’,

ma pe ‘na sera e doie…

Po’,dint’ ‘a ‘na sera ‘e maggio

cu a luna che me votta ‘a luce rossa

dint’a stu ciardino

frisco ‘e sciure,cu sti bucciuoli rossi,

tutt’addrusi ‘e piante,

me vec’appresentà cu ‘e mane stese,

comm’ ‘a ‘na rundinella senza nido,

dicenneme,”Totò,stienneme ‘e mane”.

Me stregne forte ‘ncoppe ‘o core

e chiagne lacrime d’ammore.