E grazie a Dio

me sò scetato

pure stammatina.

E grazie a Dio

me so affacciato

a ‘coppe ‘a stu balcone,

e respiranno l’aria

d’a matina

me so’ sentito

‘nata vote buono.

tramit’ e mamma mia

aggio parlato a Dio.

L’aggio raccumannato

tutt’a famiglia mia

e Dio, pronto, ha risposto

danneme sta salute.

‘O voglio dì a sta gente

ca nunn’ ‘a maie creruto.

Grandezza e Dio

ca esiste chistu munno

cu l’equilibrio

ca gira tutt’ ‘attuorno.

Peccato!

A gente ‘nun capisce niente!

Sta distruggenno sta terra

lentamente.