E ditte antiche nu sbagliano mai!

Si dice che arrivate a quarantina nu dulore ogni matina.

Quanno io ero giovinotto,

ero comm’ ‘a nu lione,

faticavo iuorno e notte senza mai sentì dulore.

Mentre aiere sera,

doppa na iurnata sana

ca sbattevo e m’arrucchiavo

fino a quanne,

arriv’a casa, cerca sulo nu repuoso.

Nu dulore tutto ‘mpietto

t’arrevuoto dint’ ‘o lietto

fino a quanno schiare iuorno

ca te vide tutt’ ‘attuorno!

Stà famiglia,chi te lasso e chi te piglia.

Po’ te suse,

nu sbadiglio,’na bella stennerecchiata,

‘po’ te faie ‘o segno d’a croce

e s’accumencia ‘na iurnata!