Quanta fatica

e quanta sofferenza,

ma a che te’ serve

si a morte ‘nun tene crianza?

C’è sta chi nasce,

chi cresce,

chi more,

e dint’ò camposanto,

ca è ‘nu luogo santo,

se sentono preghiere ogni mumento.

‘N’aggio sentuto d’e iastemme

io tante, da farme scunfurtà

tutt’è mumente.

Si po’ ce penso

m’addimando e dico,

forse ce manca a fede,

vuie che dicite?

‘A morte è ‘nu repuoso,

perché ve fa’ paura?

Quanno ‘e passato ‘o muro

‘nun saie niente chiù!

È ‘na chiusura e porte,

‘na ‘rraputa ‘e fenestra,

‘nu sguardo triste e meste,

pensanno che ce stà…

Si è o’vero comm’è o’vero

chell’ò ca sapimmo nuio

doppo ca è passato ‘o buio

tu ce truovo a luce e a libertà.

Si liggiero,n’angiulillo,

senza peso

e senza cose

sulo ‘nu grande surriso.

Faie ‘nu volo

e t’arrepuoso,

e te si scurdato già…

Antonio Aprile