Ma comme se po’ di’

te voglio bene

senza sentirsi ‘mpietto

nu rummore,

senza senti ‘na smania

dint’ ‘o core

ca forte forte

astregne chist’ ammore,

sara’ ‘nu iuorno,

‘nu mese o ‘n’anno?

Nun ‘mporta niente.

Basta ca sta’ mania te siente,

ca si felice tanto intensamente,

e nun te ‘mporta e niente.

Ma comme se po’ di’

te voglio bene

si stringne a mano

e nun te vene ‘a freve,

si t’accarezze

e tu  nun sviene.

Ma comme se po’ di’ te voglio bene!