Io songo nato viecchio criature

pazianne a purtà sulo ‘e sord’a casa.

Quanno io vedevo a màmmema abbattuta,

io me ne ascevo

e cu ‘a fatica ‘o cu ‘na forte ciorta

m’arritiravo ‘a casa mia cu ‘e sorde.

Màmmema ca rereva e che chiagneva,

essa rereva e io criscevo,

essa chiagneva e io me facevo viecchio,

vuie ve l’immaginate chesta scena?

Ato ca scena!

‘Ncoppa a stu palcuscenico che è ‘a vita

ca ‘nce riserve a tutti

chi ‘a marezza

e chi tanta cuntentezza,

ma a tutti,chiù o meno tal’e quale,tanta sufferenza.

E, è chesta sufferenza

ca te ‘mpar’ ‘a campà,

e ca te fa ‘nvicchià,

primme d’ ‘o tiempe!