‘E criature,

che cosa bella ‘e figli!

Tu ‘e guard’e e chille chiagnene,

tu ‘e guard’e e chille rirene,

ma quanno nun se firene,

te fanno fermà

‘mpietto ‘nu respiro,

po’, quanno dormene

tu t’avvicine e rire sulo sulo,

che gioia ca se prova a stu mumento,

che gioia ca se sente dint’ ‘o core

e che te fa scurdà tutt’ ‘e turmienti

e tutt’ ‘e cose amare e chesta vita.

Ma quanto fosse bello

si tutt’ ‘e pate s’àstrègnessero e figli ‘mpietto

e ruceliannese ‘ncoppa ‘o lietto

e ‘mparassero a rirere.

E rirenne rirenne

e criature nun so chiù criature,

ma nun ce ne accurgimme

pecché pe’ pate ‘e figli so sempe criature!