Si tutt’a gente

‘nfronte se scrivesse

tutt’e dulure ‘nchiuso dint’o core

guardannele,

che pena me facesse,

 sta genta senza manco ‘na speranza.

E che speranza

si bello e buono schiatta ‘nterra e muore

e tutt’a chella ‘mmiria ‘e tanta gente

è addeventata pena a ‘nu mumento,

mumento amaro

ca te dimostra quanto ‘a gente vale.

Ma po’ ‘nu raggio ‘e sole dint’ ‘a ‘na casa

che trase,

te tozze ‘mponta ‘o naso,

e dice:

nun ce penzà,

dimane è n’ato iuorno.

Te si scurdate ‘e ogge,

e staie pensanno già a dimane.